Helse- og oppvekstfag

Helse- og oppvekstfag handlar om å gi omsorg og bidra til utvikling for menneske i alle livsfasar. Du får lære om menneskekroppen, om barn og unge si utvikling, om kosthald, ernæring og hygiene. Du får òg lære praktisk helsefremmande arbeid, kommunikasjon og samhandling med menneske i ulike livssituasjonar.

Du lærer

om helsefremjande arbeid
om fysisk og psykisk helse
om korleis kroppen er bygd opp
om kommunikasjon og samhandling
om utviklinga til barn og unge
om kost, ernæring og hygiene

Du bør vere

omsorgsfull og omsynsfull overfor menneske
flink til å kommunisere
god til å samhandle med andre

Du kan bli

helsefagarbeidar, ambulansearbeidar eller portør
aktivitør eller eller barne- og ungdomsarbeidar
apotekteknikar, helsesekretær eller tannhelsesekretær
hudpleiar, fotterapeut eller ortopediteknikar
Sjå alle yrke og kompetansar

Arbeidsstader

sjukehus, sjukeheim eller heimeteneste
barnehagar eller skolefritidsordningar
apotek, tannlege- eller legekontor
fot- eller hudpleiesalongar

Vidare utdanning

Yrkesfagleg opplæring fører fram til yrkeskompetanse (med eller utan fag- eller sveinebrev). Etter fullført yrkesfagleg opplæring kan du gå ut i arbeid eller ta vidare utdanning:

Du kan ta vidare utdanning på fagskole. Ei fagskoleutdanning er ei kort og yrkesretta vidareutdanning som er berekna på dei som har gått yrkesfag.
Du kan ta Vg3 påbygging til generell studiekompetanse
- etter Vg2 eller
- etter oppnådd yrkeskompetanse
Då har du moglegheit til å ta høgare utdanning ved høgskole eller universitet. Hugs at nokre studium, f.eks. ingeniør-, realfags- og medisinske studium, føreset at du har visse realfag.
Du kan også søkje opptak til høgare utdanning etter forkurs eller gjennom Y-vegen, yrkesfagleg veg til høgare utdanning. Y-vegen er berekna på deg som har relevant yrkeskompetanse. Forkurs og Y-vegen er mest vanleg innan realfags- og ingeniørstudium. Les meir om forkurs og Y- vegen på samordnaopptak.no

Kvifor velje Helse- og oppvekstfag ved Stranda og Sykkylven?

Du får arbeide med menneske i ulike fasar i livet. Ved vår skule får du meir praksis samanlikna med andre skular, og praksisplassane viser stor interesse for at du skal trivast og utvikle deg.
Du får ein god kombinasjon av teoretisk og praktisk undervisning.
Du får vere ei viktig brikke i andre sine liv og gjere ein forskjell.
Du får vere elev i eit oversiktleg miljø, der kvar og ein blir sett og tatt vare på.
Vi har Helse- og Oppvektsfag på vg1 og Helsearbeidarfag på vg2
Vi har tilbod om påbygg og eit godt samarbeid med opplæringskontor.

Helse- og oppvekstfag finn du på lokasjon Stranda og Sykkylven.